LAHOO SE KHAINCHI THI USNE BHI DUSHMANI KI LAKEER
NAHI THI HAATH MEN MERE BHI DOSTI KI LAKEER
WO MUJHSE BAT KAREGA KHUDA KE LEHJEY MEN
AGER MAIN KHAINCH DOUN PATTHAR PEY BANDAGI KI LAKEER
HISAAR KAINCH KE YAAD-E KHUDA MEN BETHA HOUN
KHUD APNE GIRD HI KHAINCHI HE TAIRGEE KI LAKEER
LAHOO LUHAAN PARINDA FIZA MEN UDTA HE
YA AASMAAN PEY PHAILI HE ROSHNI KI LAKEER
BADAL DIYA HE MUQADDAR KO APNE KHANJAR SE
BARHA LI MAINE BHI HATHOUN MEN ZINDAGI KI LAKEER
No comments:
Post a Comment