ZAMEE'N PER DHAA-E THEY KIS NE AZAB LIKH NA SAKA
MAIN APNE E-'HAD PE SACHI KITAB NA LIKH SAKA
ZAMEE'N KA HUSN BASA THA MERI NIGAHOUN ME
KISI BHI CHEHRE KO MAIN MAHTAAB NA LIKH SAKA
MUJHE TOU AAG SE AUR KHOON SE HI NAFRAT THI
ISEY MAIN KHOON SE KHAT KA JAWAB NA LIKH SAKA
HAQEEQATOUN KO FASANE KA RANG KIYUN DETA
KABHI MAIN ZAKHMOUN KO DIL KE GULAB NA LIKH SAKA
No comments:
Post a Comment